Има ли овде домаќинки???

денес за ручек, Бумбар-ќофте. Убаво јадење со неубаво име.

( хахаха а има и едни слатки кои се викаат - курешки. Кој беше тој паметен што им го измисли името)

...курешки, а ? , тоа мора да се женски слатки

Ќебаби од суви смокви.

Се зоврива шербет од 150 гр. шеќер прелиен со вода. Се додаваат 300 гр. суви смокви ситно исецкани и 300 гр. ореви ситно исецкани и се замесуваат со шербетот. Се обликуваат во форма на ќебаб, се оставаат да се засушат малку, се преливаат со чоколадна глазура и се декорираат со шарени трошки.
Глазура : 150 гр. чоколада за готвење растопена со 3 лажици зејтин.

па и не се баш нешто... пих

мене ми се дефинитивно хит месеца, МРЗЛИВИТЕ МАКАРОНИ .ги подув дома со нив

Е да де, тури све наеднаш во рерна без предигра

АМЕРИКАНСКИ КРОФНИЧКИ

- 3 јајца
- 1 чаша (150 - 200 гр.) кисело млеко или јогурт
- 1 лажичка сол
- 1 лажичка шеќер
- 1 пециво
- 13 - 15 лажици брашно.

Се мати малку со миксер и се додава брашното истовремено. Се зема со мало лажиче од смесата и се пржи во загреан зејтин.

Кидман напиша:денес за ручек, Бумбар-ќофте. Убаво јадење со неубаво име.

( хахаха а има и едни слатки кои се викаат - курешки. Кој беше тој паметен што им го измисли името)

Не си фер, ако ја знаеш рецептата напиши ја

од што ма од ќофтето или оф слатките?

Па не би било лошо и двата рецепта, прво оди главно јадење, а потоа десерт. И двете имаат интересни имиња

давам половина царство на оној кој ќе ми даде идеја што да направам за ручек за утре?

Што реши, што вкусно ќе јадете денес?

леќа

Леќата е позната како многу вреден енергетски продукт. Во 100 грама леќа содржи 338 калории, изобилува со витамин Б, и големо количество јаглено хидрати. Леќата не содржи ни заситене маснотии, а не содржи ни штетен холестерол.

Леќата спаѓа во групата на мешункасти растенија, а заради богатството од протеини, за леќата се вели дека е замена за месо.

Исто така таа е богат извор на витаминот Б6, фосфор, магнезиум, железо и цинк.

Високата содржина на витаминот Б6, ја прави леќата поволно да делува на нервниот систем, а со голема содржина на железото исто така ја прави леќата, да биде корисна во спречувањето на слабокрвност.

Леќата не содржи заситени масни киселини, ниту штетен холестерол, а e инзвонреден извор на растопливи и нерастопливи влакна.

Растопливите масла го намалуваат нивото на гликозата и холестеролот во крвта, со што се намалува потребата за инсулин кај лицата заболени од дијабетес.

Нерастопливите влакна ја подобруваат "столицата" -

хихихи.... трпе, му го извадив ова на Word на син ми
зашто гарант ќе се расправаме зошто сум направила леќа место ќофтиња

Предлог за појадок:

klementina mori, pa tebe za se' te biduvalo

ovaa idea me potsekja na pogovorkata

"Poarno jajce vo dlanka otkolku jajce na oko "

СУПА СО ЗЕЛЕНЧУК

1 компир (исецкан на коцки)
1 кромид (исецкан на кругови)
1 морков ( исецкан на ситни парчиња)
1 зелена пиперка (исечена на кругови)
магдонос
фиде
масло
1 литар вода
зачин и сол

Зеленчукот се мие, чисти и сечка ситно, се става во лонец во кој се додава ладна вода, малку масло, зачин и сол по желба и се готви 15 минути. Потоа се додава фиде и магдонос и се готви уште 5 минути, и се служи. По желба се додава и сок од лимон на готовата супа.

ОРИЗ СО ЗЕЛЕНЧУК И СОЈА

ориз ( 5 раце - оризот се става во чаша или во некој друг сад, се потопува во вода и се мие)
50 грама соја ( се потопува во вода и се цеди)
кромид (две главици исчистени и исечени на ситни парчиња )
1 морков ( исечен на ситни парчиња)
250 грама грашок
100 грама печурки ( исечени на ситни парчиња)
100 грама варена пченка
2 зелени пиперки (исечени на ситни парчиња)
1 црвен домат (исечен на кругови)
магдонос
масло
зачин и сол

Во тавче се става масло и ситно исечен кромид и се запржува малку, па се додава ориз, соја, грашок, печурки, морков, пченка и пиперка подготвени на горенаведениот начин. Во посебен сад се става малку масло, се додава смесата од тавчето, па се додава и врела вода (на 1 чаша ориз се додаваат 3 чаши врела вода), се става зачин и сол по желба и се остава малку смесата да врие на оганот, па се додава магдонос и исечениот домат.
Шпоретот, односно релната треба да се загрее на температура од 250 степени и во неа се става садот со сите состојки и се пече 15-20 минути. Садот треба да се стави на долниот дел од релната (не на решетка) за побргу да се зготви.
Се служи со парчиња лимон и во комбинација со свежа салата.

МАРЦИПАН

500 грама мелени бисквити
200 грама кокос
300 грама вода
500 грама шеќер
1 маргарин
какао (2 лажици)

прелив: 100 грама чоколадо, 3 лажици вода и 1 лажица масло.

Во сад на оган се става водата и шеќерот да зовријат, па се додава и маргаринот да се растопи. Во друг сад се ставаат мелените бисквити и кокосот и се додава врелата смеса од првиот сад, па се меша добро. Оваа смеса за дели на два дела и во едниот дел се додава какао.
Во посебен калап обложен со фолија прво се става белата смеса, а потоа се додава и какао смесата и садот се остава во фрижидер еден до два часа.
Марципанот се сервира во посебен сад (се вади од калапот и се отстранува фолијата ) и се прелива со преливот од чоколадо.

400g.brasno,1 jajce,200 ml.jogurt,100g.sirenje,1 pecivo,1 lazice sol,se se mesi ,se razvlekuva kora od koja seces krugovi ili for mi kakvi sakas i gi przis na vrelo maslo!Brzo i lesno!Bon appetit! P.S.Ova e nesto kao brzi mekici!

ова ќе го пробам сабајле за појадок
изгледа лесно и вкусно

благодариме hot nurse,
пиши уште некој хот рецепт

Fala,poveli i drug pat!

Шарени ванилици

100 гр. сецкани ореви
100 гр. сецкано чоколадо
100 гр. суво грозје
1 ванилин шекер
1 прашок за пециво
2 јајца
12 лажици шекер
1 маргарин (250 гр.)

Маргаринот се мати со шеќерот да се соедини и се додаваат јајцата, ванилата, пецивото и се додава брашно по потреба (тестото да не се лепи и да може да се обликува). Потоа на крајот се додаваат оревите, чоколадото и сувото грозје. Се развлекува кора и се вадат форми со калапчиња или округли со чашка. По желба оревите може да се заменат со кикирики за колачи. Откако ќе се испечат може, а и не мора да се валкаат во прав шекер, по желба.