Книги

Ова е една интересна книга со поднаслов „необични сказни“ која содржи четириесетина куси текстови напишани во сказновита форма. Книгата е поделена на три дела: во првиот се оние во кои главен е детскиот лик и каде што во сказните се оди со фантазијата како производ на желбите кај децата, во вториот и најобемен циклус со дваесетина приказни, само го прифаќа континуитетот од првиот, преку поконкретни ликови од животот, проследувајќи ги децата во училиштето, а во третиот се веќе познатите и вообичаени ликови од народното фантастично творештво (џиновите, џуџињата, змејовите, вештерките и другите необични суштества кои најчесто се присутни во приказните, односно сказните за деца).
Горан Б. Стојаноски е автор на повеќе книги како што се „Шумски сказни“, „Дивата убавица“ „Доживувањата на Геге супер Геге“, потоа на раскази, детски радиодрами, на сценарија за документарни радио и телевизиски емисии и на циклус од десетина радиодрами работени врз народни приказни од Кичевско, а снимени со заедничкиот наслов „Приказни од Кичевско.
Авторот беше мој колега, но трагично го загуби својот живот во сообраќајна несреќа на 21.11.2010 година. Сепак остануваат неговите дела за да не потсетуваат на него и на сите убави моменти поминати со него.