Re: Поезија

by **zbunet** Пон Сеп 17 2012, 19:06

Да сакав
ќе можев,
да ги соберам парчињата стаклени
расфрлани околу моите нозе,
сум пробал и сум се исекол
иако разнобојни, светкаат и мамат,
наводно безбедни со стогодишен рок,
никогаш не беше така,
само реклама било.
Рекламата е иста како лагата,
не ги разликуваме повеќе,
мислиме така треба,
едно да зборуваме,
а тринаесто да кажуваме
а баксузен е тој број
и потоа се чудиме
зошто баш нас несреќата не’ наоѓа.
Можев да се наведнам,
можев да ги земам
и повторно да се залажувам
додека капе од нови рани,
но ветерот се засили,
кругови од прашина ме завееја
стакленцата ги расфрли,
опстанокот проговори,
се повлеков во пештерата своја.

by keti Вто Сеп 18 2012, 00:29

Не се повлеков...туку, чекам нов бран кој ќе ми донесе љубовен занос и страст ... trepka

by Александра Вто Сеп 18 2012, 09:57

zbunet напиша:Да сакав
ќе можев,
...
опстанокот проговори,
се повлеков во пештерата своја.

by **zbunet** Вто Сеп 18 2012, 21:18

by **zbunet** Вто Сеп 18 2012, 21:44

Повеќе ја сакам пролетта,
таа руската,
тогаш се’ се пупи
уживам додека гледам како расцветуваш
и тоа само за мене,
а за другите, н’цки - ништо,
нека патат, ако им е.
Кога сеуште зимски остаток ќе задува,
а ти затреперуваш во моите раце
и посилно ми се прибиваш,
гледам како усните твои расцветуваат,
онака жешки, црвени и полуотворени,
нектарот ми се нуди,
време е за пијанство.
За мене постои само едно годишно време,
пролет руска,
кога се’ се буди
а јас сум секогаш буден крај тебе,
твојот цвет ме мами,
а јас неуморно брмчам,
колку пати и да се вратам
за мене секогаш има што да земам.

by Александра Сре Сеп 19 2012, 23:54

by keti Чет Сеп 20 2012, 00:13

Interesna poezija... a ima li sreken kraj?

by **zbunet** Чет Сеп 20 2012, 19:35

Александра напиша:На шанкот

Плииз, господине
кажете ми нешто убаво
пред да ја побараме сметката.

Кажете ми нешто, изненадете ме
да занемам пред да станеме од шанкот.
Кажете ми нешто што ќе ми црта арабески
како светулка низ мракот на мислите
со кои ќе заспивам.

Во ред, не е важно. Ќе читам нешто.
Белки некој класик или модернист
ќе ја пополни празнината што ја создавате.

Но ете,
барем држете ми ја раката
додека стигне сметката, и
три секунди гледајте ме в очи...

А потоа, да, секој на своја страна,
на својот кат, во својата соба,
оти нашиов свет е хотел за самци
во кој владеат строги правила.

by Александра Чет Сеп 20 2012, 23:12

keti напиша:Interesna poezija... a ima li sreken kraj?

Па, песната е довршена. smesko

by Александра Чет Сеп 20 2012, 23:20

тенкс

Поезија - Page 26 Images?q=tbn:ANd9GcT-wSDKmNAFgmUCGwLXbCzmca27NYlF1GXfo_ReE0UWs5d4blOV

by **zbunet** Пет Сеп 21 2012, 23:11

Господарка на зборот se klanja

како и секогаш
А ние удостоени guska

во нашето скромно сокаче ognomet

by Александра Саб Сеп 22 2012, 08:50

by **zbunet** Саб Сеп 22 2012, 13:49

Ми бараше
да ти го дадам тоа што никому не давав,
те опоменав
ако ти го дадам
враќање повеќе нема
тоа врзување ќе стане
тоа засекогаш ќе остане.
Рече дека си спремна
рече дека немаш дилема
дека засекогаш така ќе остане
дека поспремна никогаш не си била.
Ти го дадов
ти го прими
се отвори
целосно го зема,
се зашеметив
поголемиот дел од мене замина во тебе.
И сега си требам
и во тебе често се барам
додека те гледам
знам каде сум
и зошто сум.

by **zbunet** Чет Сеп 27 2012, 13:34

И сега што?
Како сега кога секоја минута без тебе во агонија ми се претвара
тешко ми е да гледам нешто друго сем тебе,
потонувам во мислите за пак со тебе да бидам,
за расеан ме мислат
само фрагменти од реченици
допираат до мене од надворешниот свет,
бргу ги отфрлам како муви досадни
повторно потонувам во тебе.
Кога сум сам налудничава мисла ми доаѓа која знае да ме уплаши,
а што ако те измислив?
Се душкам тогаш како кутре,
твојата миризба на мене ја барам,
се намрштувам ако на некој дел од моето тело ја нема,
се лутам на тебе,
секаде треба да ме допираш,
еве пак најдов место каде ме немаш бакнато.
Колку и да се брзам
морам секаде да те допрам,
ма што ми е гајле ако ми избега што и да е,
нема да се задоволуваш со цвеќиња
има се’ да ти мириса на мене.

by the nurse Чет Сеп 27 2012, 14:16

by **zbunet** Чет Сеп 27 2012, 14:40

by Александра Чет Сеп 27 2012, 15:35

zbuneto kutre, bravo

Поезија - Page 26 Images?q=tbn:ANd9GcTOPu1-wa1FiSE5CxhKYFNC71Ig4vC9ZgKGGFnzVG2p2kLwg0jvDQ

by **zbunet** Чет Сеп 27 2012, 16:18

by **zbunet** Нед Сеп 30 2012, 23:14

Милувај ме нежно
во овие доцни и уморни часови
музика тивка додека свири
зборувај ми нешто
не е важно што
само сакам да ти го слушам гласот.
Ноќта како завеса е спуштена
ние сме зад неа
слободни од глумење секакво
нема ништо да те прашувам
само сакам да те чувствувам
додека мислите полека пловат како ги води струјата
мирна вода е сега,
потонувам во длабочините каде ми е местото со тебе
да те гледам во очи
и повремено да ти кажам дека те сакам,
и името твое убаво ми звучи кога го изговарам
само колку да го кажам.

by the nurse Пон Окт 01 2012, 18:02

by Александра Пон Окт 01 2012, 23:21

zbunet напиша:Милувај ме нежно
во овие доцни и уморни часови
музика тивка додека свири
зборувај ми нешто
не е важно што
само сакам да ти го слушам гласот.
Ноќта како завеса е спуштена
ние сме зад неа
слободни од глумење секакво
нема ништо да те прашувам
само сакам да те чувствувам
додека мислите полека пловат како ги води струјата
мирна вода е сега,
потонувам во длабочините каде ми е местото со тебе
да те гледам во очи
и повремено да ти кажам дека те сакам,
и името твое убаво ми звучи кога го изговарам
само колку да го кажам.

Поезија - Page 26 Images?q=tbn:ANd9GcRBU0xEY8aqGkDdLhHhezQxMC-73WJuzUSjYxYCYeHWtkt4xINi

by **zbunet** Чет Окт 04 2012, 08:34

by **zbunet** Нед Окт 14 2012, 20:59

Не се воодушевувај од мене
такви брзо се ладат
кога е споро посигурно е
навикнат сум тешко да заслужувам
кога е лесно сомнително ми е
значи не е за мене
на понудена столица тешко седнувам
никој не нуди ако за нешто не си му потребен.
Не очекувај да глумам воодушевеност
потоа стануваат арогантни
мислат дека потоа можат да газат
не реков дека и ти така мислиш
но искушение си е искушение
ни на пријател тоа не му се прави
ако сакаш да ти остане пријател.
Како и да е
потрагата по вистински вредности продолжува
иако вредноста треба во себе да се бара
но полесно е во друг
кого би обвинувале потоа?

by Sponsored content

Поезија