Поезија

Никогаш никој никому не требал
како ти на мене,
никогаш не си требала никому
како ти на мене,
но сепак некогаш ти е малку
како некогаш
да си требала некому повеќе
иако тоа никогаш не било.
А нема ни да биде
зошто никогаш нема да имаш
ваков како мене
каков не си имала никогаш.
Можеби сум фалбаџија,
но ти никогаш не ме фалиш
секогаш бараш уште,
не ми даваш да застанам
се плашиш дека ќе престанам,
а веќе не знам ни да застанам
секогаш те сакам.

Преубаво...

неодолив/о

Уф,
немој таму,
премногу ниско е,
не,
не ме боли ама се кикотам
уф, какво раче имаш,
од злато е?
Ме тераш да сакам
тоа што требаше после да го направам,
гајле ти е што имам работа,
ќе остане неонадено,
ај смири се,
не?
Не се кикоти,
веќе знам што имаш на ум
не ме гледај така
ко змија жаба ме хипнотизираш
се дујам
ќе експлодирам,
од жабец у принц ме претвараш
ќе те качам на коњов
у мое царство ќе те носам
штом сакаш царица да те правам.

jak ti e naslovov

Bar e priroden

da, i nosi poraka

Голуб со гранче

Замислив
како би изгледал мојот живот без тебе,
од замислата се исплашив,
кога се видов
ништо човечко во мене немаше,
само луд сјај од очите ми зрачеше
го мумлав твоето име,
талкав по улици искинат и валкан
кучиња ме лаеа,
безобразни деца ми се подсмеваа.
Помислувам на замислата
навистина немам никој друг сем тебе,
каков сум
навистина нема ни да имам.
Моите палавштини
се само израз на безгрижност
додека твоето око ме прати,
подалеку е само црна темница
студена осаменост
ме потсетува на непостоење.
Навистина не можам
подалеку од тебе
навистина сфаќам
дека ме нема без тебе.

Имам ракета
да летаме кон вселената сакам
качи се
те чекам
да се вивнеме
гледај колкава е
и нагоре исправена
има место баш како за тебе,
само седни и опушти се
јас ќе работам на погонот.
Сакаш да легнеш?
Стисни ја рачката
ќе те налегне
лесно ќе ти биде
иако знае да биде притисок голем.
Веќе сме меѓу ѕвездите
зрачиме како нив
планетите се како јајца
веќе полна кошница набра,
насмевка возбудена имаш
ти реков дека убаво ќе ни’ биде.

Не може пола,
ме навредува кога не сакаш цел,
не може само таа половина
која тебе ти одговара,
јас сум цел
знам дека голем сум,
за останатото немаш време ни интерес,
а дали е тоа остаток
или доволен ти е остатокот?
Тој дел кој го бараш
немаше ни тој да го имаш,
да не беше целината
која ја гледаш бело,
да се обидеше да разбереш
ќе знаеше и која е мојата цел.
Сакав да ти се дадам цел,
а само те промашувам,
а ти само ме избегнуваш,
а нема да те боли,
знам што правам.

Ништо повеќе човечко повеќе не остана
ќе се загубиме и ние ако меѓу нив останеме
тоа се луѓе без лица
обични машини
призведуваат само саможивна себичност
живеат за моменти подмолни
ѓаволот им го гледам
се кикоти хистерично
ги чешка по главите
како да се негови мајмунчиња
деца негови послушни се.
Патот прав е
никој не не’ вика,
но од тука никаде полошо не може да биде.

Дозволи ми само да те љубам
онака како знам
без да ме прашуваш
од каде знам
од филмови се учи
од натпревари не
и затоа за фудбал не ме бива
ама за тебе да те љубам
специјалист сум.
Те проучувам
те гледам
те чекам да кажеш “Немој“
тогаш е мојата шанса
се затрчувам колку можам
и давам гол.

Тапани удираат
време е
вие кои умирате во мене не гледајте
нека ве лечат сега вашите глупави надежи
за вас нема лек.
Се откажав од сите надежи
решив да живеам
во вас да не верувам
едноставно било
така отсекогаш требало.
Останав сам
никогаш поинаку и не било
газејќи по ивица
над некоја стрминина
како и секогаш
ќе заминам и ноќеска
не знаејќи дали ќе се вратам,
ќе те бакнам додека спиеш
препуштена на соновите
ќе ти го дадам од мене
оној дел кој ти треба
таму каде одам
оној дел кој ржи во мене останува.

Кога кон ѕвездите ќе погледнам
ми се чини меѓу нив играш
затоа ноќе светкам додека се смешкам
ја сум само планета која кружи околу тебе.
Многу не‘ има
но само на мене живот ми даруваш,
не сум премногу блиску до тебе,
ниту премногу далеку да не можеш да ме сфатиш,
на дофат ме имаш,
ме правиш џунгла
или цивилизиран,
од комети и метеори ме пазиш
опашката нивна од мене ја тргаш.
Ми се чини околу себе се вртам
вртоглавица дури не ме фати,
додека околу себе ме вртиш
како сакаш
кога сакаш,
ако,
јас сум планета која е преполна со живот.